د جرمني د بهرنیو استخباراتو پخواني رئیس، اګسټ هانینګ، پرون پنجشنبه په برلین کې د افغانستان له پخواني ولسمشر حامد کرزي سره لیدلي او له جرمني څخه افغانستان ته د افغانانو د بېرته ستنولو پر موضوع یې ورسره خبرې کړې دي.
روسیې د توغندیو او بېپیلوټه الوتکو په وسیله د دویمې پرلهپسې شپې لپاره د اوکراین پر ښارونو بریدونه وکړل، چې په کې په پلازمېنه کېیف کې لږ تر لږه دوه تنه ووژل شول او ملکي سیمو ته زیان واوښت. دې بریدونو نږدې لس ساعته دوام وکړ.
د نړیوالې ټولنې له څو ورځنۍ چوپتیا وروسته، ملګرو ملتونو د روسیې لهخوا د طالبانو د حکومت د رسمیت پېژندلو پرېکړه داسې موضوع بللې چې د دې سازمان فعالیتونه به یې اغېزمن نه کړي.
د روسیې پر خاوره د اوکراین د بې پیلوټه الوتکو برید د دوهمې پرله پسې ورځې لپاره د روسیې په بیلابېلو ښارونو کې الوتنې وځنډولې.
د اوکراین ولسمشر ولودیمیر زیلینسکي له خپلو متحدانو سره وروستۍ نوې موافقه ستایلې او وايي له دې سره به د روسیې پر وړاندې په جګړه کې سلګونه زره بې پیلوټه الوتکې ترلاسه کړي.
د اوکراین ولسمشر ولادیمیر زیلینسکي د امریکا له ولسمشر ډونالډ ټرمپ سره د خپلو پرونیو ټیلفوني خبرو (جولای ۴) په اړه وویل چې دا له هغه څو ساعته وروسته چې پر کییف د روسیې پراخ برید وشو، «ډېرې مهمې او ګټورې خبرې» وې.
په اروپا کې په دې شپو ورځو کې هوا ډېره توده شوې ده. په ایټالیا کې د هوا د تودېدو له کبله یو تن مړ شوی دی. د ایټالیا په ځینو برخو کې حکومت په هغو بازارونو کې چې په آزاده هوا کې فعالیت کوي د خلکو پر کار ممنوعیت لګولی دی او په فرانسه کې ښوونځي بند شوي دي.
امریکایي چارواکو د هغه وسله وال بریدکوونکي جسد پیدا کړی چې د اطفایې پر کارکوونکو یې ډزې کړې وې. دغو ډزو کې چې د راپورونو له مخې څو ساعته یې دوام وکړ، د اطفایې دوه کارکوونکي وژل شوي دي.
نور راوښيه
