د نومبر دویمه د خبریالانو پر وړاندې له جرمونو د معافیت پای ته رسولو نړیواله ورځ ده. ملګرو ملتونو اندېښنه ښودلې چې نن ورځ د خبریالانو په وړاندې د جرمونو د معافیت پای ته رسول له خورا مهمو او پیچلو ننګونو څخه دي.
د بشري حقونو د څار نړیوال سازمان وايي، په مراکش کې د فوټبال ډګر ته د افغان ښځینه فوټبالرانو راستنیدل د بشري حقونو لپاره یوه لویه بریا ده.
د ساتنې نړیوال کلستر GPC وايي چې په افغانستان کې بشري بحران د تیر کال پرتله خورا ډېر خراب شوی دی.
که څه هم د تورخم دروازه بلې غاړې ته د ایسارو افغان کډوالو لپاره په یو اړخیز ډول نن پرانیستل شوه خو د دواړو لوریو یو شمېر اوسېدونکې وايي دا دروازه باید د تل لپاره د هر ډول تګ راتګ په مخه پرانستل شي.
په افغانستان کې د انګورو یو شمیر سوداګر وايي، سږ کال یې د دې میوې په سوداګرۍ کې سخت تاوانونه وکړل. دوی وايي، باغونه یې اخیستي خو پاکستان سره لارې پرې بندې شوي او صادرات یې درېدلي دي. د افغانستان او پاکستان د سوداګرۍ د ګډې خونې چارواکي هم دا مني چې افغان سوداګر له دې درکه ډیر زیانمن شوي دي.
زرګونه ستنېدونکي افغان کډوال د لارو د تړل کېدو له امله د پاکستان بېلابیلو سیمو کې بند پاتې دي. دوی وايي د څښاک د پاکو اوبو، خوړو او روغتیايي خدمتونو د نشتوالي له امله ستونزو سره مخ دي. په اسلام اباد کې د طالبانو حکومت تر کنټرول لاندې د افغانستان سفارت د دغو کډوالو په اړه ژوره اندېښنه څرګنده کړې.
د ملګرو ملتونو د بشري میشتېدنې پروګرام (یو ان - هبیتات) وايي چې د کډوالو بیرته ستنېدو او په کلیوالي سیمو کې د ژوند د فرصتونو له کمیدو سره، د افغانستان ښارونه زیاتیدونکو اړتیاوو ته ځواب نه شي ویلی.
د افغانستان د بشري حقونو لپاره د ملګرو ملتونو ځانګړي راپور ورکوونکي یو ځل بیا د افغانستان د روان بشري وضعیت په اړه اندېښنه ښودلې او خبرداری یې ورکړی چې افغانستان د طالبانو د رژیم په دوره کې "زموږ په وخت کې د جنسیتي برابرۍ تر ټولو سخت او سیستماتیک برید" تجربه کوي.
یو شمیر کابل ښاریان وايي، د افغانستان او پاکستان تر منځ د ټولو ځمکنیو لارو د تړل کېدو له امله په بازارونو کې د درملو، یو شمیر خوراکي توکي او ساختماني موادو بیې لوړې شوې دي. د افغانستان د سوداګرۍ او پانګونې خونه هم دا خبره مني وايي دوی په بدیلو لارو کار کوي.
نور راوښيه
