ازادي راډیو د افغانستان او سیمې په اړه د خبرونو، راپورونو او معلوماتو معتبره او باوري سرچینه ده. د باتجربه، مسلکي او هڅاندو ژورنالیستانو یوه ډله د ازادي راډیو او ددې راډیو د انلاین پلاټفورمونو لپاره مطالب چمتو کوي.
په افغانستان کې یو شمېر نجونې چې له لوړو زده کړو پاتې دي، وايي، انلاین سوداګرۍ ته یې مخه کړې، څو هم ځان ته بوختیا ومومي او هم یوه مړۍ ډوډۍ وګټي.
په داسې حال کې چې له پاکستان او ایرانه د افغان کډوالو د جبري ستنونې لړۍ په چټکۍ سره روانه ده، د روغتیا نړیوال سازمان ویلي، ډېرې دغه کورنۍ د شدیدو تنفسي انتاناتو، خوارځواکۍ او د پوستکي د ناروغیو په ګډون له جدي روغتیايي ننګونو سره مخ دي او روغتیايي اسانتیاوو ته اړتیا لري.
د افغانستان د بېلابېلو ولایتونو یو شمېر اوسېدونکي وايي، د تیلفوني اړیکو او انټرنیټ په برخه کې له جدي ستونزو سره مخ دي.
د طالبانو تر کنټرول لاندې له دولتي ادارو څخه تازه ګوښه کړل شوي یو شمېر کارکوونکي وايي، سره له دې چې له دندو ګوښه شوي، دوی ته د بدیلو دندو فرصتونه هم نه دي ورکړل شوي.
په داسې حال کې چې د امریکا متحدو ایالتونو ته د لسګونو زرو افغان پناه غوښتونکو د لېږد لړۍ له څو میاشتو راهیسې بېبرخلیکه ده، تازه د امریکا کانګرس په ۲۰۲۶ مالي کال کې د افغانانو لپاره د کډوالۍ د ۲۰ زره ځانګړو ویزو د تصویب غوښتنه کړې ده.
ټاکل شوې چې د روسیې او اوکراین ترمنځ له درې کلن ځنډ وروسته د سولې لومړۍ مستقیمې خبرې د مې په ۱۶مه په استانبول کې وشي، خو دواړو خواوو دې خبرو ته د لوړې کچې پلاوي نهدي استولي، چې په خبرو کې د کوم لوی پرمختګ هېلې یې کمې کړې دي.
په افغانستان کې د طالبانو د حکومت چارواکي وايي، د دغه حکومت د رئیسالوزرا د اقتصادي مرستیال ملا عبدالغني برادر په مشرۍ پلاوي د پنجشنبې په ورځ د روسیې له یو شمېر لوړپوړو چارواکو سره د کازان په ۱۶م نړیوال اقتصادي فورم کې د افغانستان او روسیې ترمنځ د اقتصادي همکاریو د پراخېدو په اړه خبرې کړې دي.
بېکوري په ډېری اروپايي هېوادونو کې افغان کډوالو ته یوه جدي ستونزه ده، خو په جرمني کې بیا ترې ډېر کړېږي.
د امریکا د کورنۍ امنیت وزارت وايي، په متحده ایالاتو کې د مېشتو زرګونو افغان پناهغوښتونکو موقتي خوندي وضعیت یا "ټيپياېس" پروګرام به د روانې مې په ۲۰مه پای ته ورسېږي، او لغوه کېدل به یې د جولای له ۱۲مې څخه عملي شي.
د افغانستان لپاره د پاکستان ځانګړي استازي محمد صادق خان ویلي، په کابل کې د چین، پاکستان او طالبانو درې اړخیزه ناسته شوې ده.
راپورونه وايي، هندي او پاکستاني ځواکونو تېره شپه د کشمیر پر پوله پر یو بل هاوانونه او درنې وسلې کارولي دي، چې په ترڅ کې یې لږترلږه پنځه ملکیان وژل شوي دي.
د هند او پاکستان ترمنځ د تازه تاوتریخوالي له امله، د دواړو هېوادونو د کرکټ ستر لیګونه اغېزمن شوي دي.
د پاکستان د بهرنیو چارو وزارت ويلي، چې د دې هېواد د صدراعظم مرستیال او د بهرنیو چارو وزیر محمد اسحاق ډار، د طالبانو حکومت د بهرنیو چارو سرپرست وزیر سره په تیلیفوني خبرو کې د هند له وروستیو اقداماتو چې پاکستان "تحريکوونکي، غيرقانوني او يواړخيز "ګڼي، خبرې کړې دي.
اسلاماباد ویلي، چې د هند په بریدونو کې په پاکستان کې ۲۶ تنه وژل شوي دي. د پاکستان صدراعظم شهباز شریف دا بریدونه "جګړهییز اقدام" بللی او ویلي یې دي چې هېواد یې حق لري ورته "قوي ځواب" ورکړي.
د هند او پاکستان ترمنځ د وروستي کړکېچ او د دواړو هېوادونو ترمنځ د بندرونو او ټرانزیټي لارو د بندېدو له امله افغان سوداګرو ته درانه مالي زیانونه اوښتي دي.
په داسې حال کې چې د سالنګونو په ګډون، په بېلابېلو ولایتونو کې نن او سبا هم د سختو بارانونو او سیلابونو د راوتلو اټکل شوی، د طالبانو د حکومت له پېښو سره د مبارزې د چمتوالي ملي اداره وايي، په شمالختیځ زون کې وروستیو سیلابونو خلکو ته درانه مالي او ځاني زیانونه اړولي دي.
د افغانستان د بیلابیلو ولایتونو یو شمېر اوسېدونکې په خپلو سیمو کې د ښاري بسونو له نشتوالي شکایت کوي او د دې خدماتو د پیل کېدو او زیاتوالي غوښتونکي دي.
نور راوښيه
