" کله چې د ښوونځي زده کوونکی وم ماسره دا ذهنیت موجود و، او دا یو سرتاسري ستونزه او لویه ننګونه ده. "
دې ذهنیت په حبیب الله نجفي زاده کې وده وکړه او د وخت اړتیا هم په خبره یې همدا وه، ځکه دی وايي چې د افغانستان په ډیری سیمو کې دا مهال غرني ځنګلونه او او څرخایونه له منځه تللي دي" ټولو ته ضرور ده چې دې برخه ته پاملرنه وکړي، ځکه د افغانستان په ډیریو غرنیو سیمو کې غرني ځنګلونه او څرځایونه له منځه تللي او یا د لمنځه تللو په حال کې دي، د غرنيو ځنګلونو او څرځایونو نه شتون د دې لامل ګرځي چې ځمکو کې رېښې نه وي، د واورې او باران اوبه جذب نشي او د ځمکې لاندې اوبه تقویه نشي او دغه شان کاریزونه او چینې هم وچې شي."
د غرنيو ځنګلونو او څرځایونو نه شتون د دې لامل ګرځي چې ځمکو کې رېښې نه وي، د واورې او باران اوبه جذب نشيد چاپیریال ساتنې فعال نجفي زاده
نجفي زاده دغه شان زیاتوي چې د غرنيو ځنګلونو او څرځایونو نه شتون دغه شان د کلیو ډیر کمزوری اقتصاد نور هم زیانموي، ځکه په خبره یې خلک د کافي څارویو د ساتلو او لبنیاتو ترلاسه کولو توان له لاس ورکوي.
د دایکندي ولایت دا اشترلي ولسوالۍ دا ۳۴ کلن ځوان وايي، که څه هم په لومړیو کې یې په شخصي او ډیرو کمو امکاناتو دا کار پیل کړ خو د خلکو له تود او پراخ هرکلي سره مخ شو" په لومړیو کې مې په خپلو شخصي امکاناتو، شا اوخوا اته نیم کلیو ګرامه د غرنیو ونو او بوټو زړي او تخمونه وپیرل، او دا مې په بیلابیلو ولایتونو لکه وردګ، بامیان او دایکندي کې وویشل چې د خلکو له پراخ هرکلي سره مخ شو. "
حبیب الله نجفي زاده وايي، اوس د یو شمیر نورو رضا کارانو په مرسته د افغانستان په اوو ولایتونو میدان وردګو وردګ، غزني، ارزګان، دایکنډي، غور، بامیان او پروان کې دا کار کوي، دې ولایتونو کې ځکه چې په خبره یې لارې یې تر منځ لنډې او د ورته اقلیم درلودونکي دي.
د ده په خبره دوه میاشتې د دوې د دې رضاکارانه فعالیتونو له پیل تېرېږي.
نوموړی زیاتوي چې په راتلونکي کې به دوی خپل دا رضاکارانه فعالیتونه نورو ولایتونو ته هم وغځوي.
خو د حبیب الله په خبره تر اوسه دوی سره هیڅ کوم دولتي یا نادولتي بنسټ مرسته نه ده کړې" د رسمي دولتي او نا دولتي ادرسونو او نړیوالو بنسټونو له خوا تر اوسه کومه همکاري نه ده شوې، د خلکو په همکارۍ مخته ځو، د غرنیو ونو او څرځایونو تخمونه او زړي په رضاکارانه ډول همغږي کوو او چیرې چې خلک اړتیا ولري رسوو یې. "
د لسانس تر کچې د سیاسي علومو لوستی دا ځوان چې په تېر جمهوري نظام کې یې د انتخاباتو په خپلواک کمیسیون کې کار کوو وايي، دا سمه ده چې دا رضاکارانه کار یې له هغې برخې سره چې ده په کې زده کړې کړي دير واټن لري خو په خبره یې د ځنګلونو، څرځایونو او په ټوله کې د کرنې په برخې له متخصصینو سره د سلا مشور له لارې یې دا فاصله تر ډېره له منځه وړې او اوس د چاپیرال ساتنې په برخه کې په یو فعاله رضاکار بدل شوی دی.
ښاغلي حبیب الله نجفي زاده د خاوري د تخریب، د اوبو د ضایعاتو او د وچکالۍ د مخنیوی لپاره یو اغیزناک ګام اخیستی دید طبیعي سرچینو متخصص ساحل دوران
د طبعي سرچینو او ځنګل پوهنې برخې متخصص ساحل دوران چې د ښاغلي نجفي زاده فعالیتونه یې تعقیب کړي د هغه دا رضاکارانه هڅې ستايي او د پراختیا پر اړتیا یې ټینګار کوي.
ښاغلي دوران ازادي راډیو ته وویل" ښاغلي حبیب الله نجفي زاده د خاوري د تخریب، د اوبو د ضایعاتو او د وچکالۍ د مخنیوی لپاره یو اغیزناک ګام اخیستی دی، هغه د ستاینې وړ دی او داشان هڅې باید په ټول هیواد کې ترویج شي. "
دا یادونې ده چې د غرنیو ځنګلونو او څرځایونو د بیا رغونې او په ترڅ کې یې د ورښتونو د اوبو د زېرمه کولو او د ځمکې لاندې اوبو د تقویې لپاره دا رضاکارانه هڅې داسې مهال دي چې افغانستان د اقلیمي بدلون له زیانونو سره مخ هغه هیواد دی چې د اوږدې کلونو وچکالیو ځپلی دی.
د ملګرو ملتونو د بشري چارو د همغږۍ دفتر اوچا له دې وړاندې میاشت مخکې ویلي و چې افغانستان سږ کال د اقلیمي ناورین له زیاتېدونکو پایلو؛ وچکالیو، بېسارې ګرمۍ، د سېلابونو ګواښ او د کرنیزو حاصلاتو او حیواني محصولاتو په تولیداتو کې د پام وړ کمښت سره مخ دی.