د تېرې شنبې ورځې راهیسې وسلهوالو طالبانو د کندهار په سپینبولدک ولسوالۍ کې ماشومانو ته د پولیو پر واکسین بندیز لګولی دی.
د کندهار د عامې روغتیا ریاست یو چارواکی چې نهغواړي نوميې خپور شي ازادي راډیو ته وویل چې وسلهوالو طالبانو پر واکسین د بندیز د لیرې کولو لپاره دوه غوښتنې وړاندې کړي.
په دغو غوښتنو کې د واکسین د پروسې د یو شمېر رضاکارانو لیرې کول او پر ځای یې د دوی د کسانو ګمارل شامل دي.
چارواکي وايي چې وسلهوالو طالبانو دغهراز د پولیو په پروګرام کې د یو شمېر مسؤلینو د لیرې کولو غوښتنه هم کړې چې په وینا يې ګواکې د حکومت سره د طالبانو معلومات شریکوي.
دغه سیمه چې د پولیو د کارکوونکو فعالیت پهکې درېدلی د دولت تر کنټرول لاندې سیمه ده او هغه ماشومانو ته د پولیو واکسین ورکوي چې تازه له پاکستان څخه افغانستان ته داخلېږي.
وسلهوالو طالبانو تر اوسه په دې اړه رسنیو ته څه نهدي ویلي.
