د افغانستان ولسمشر اشرف غني وایي، دولت یې چمتو دی، د افغانستان د خاورې دننه هر چېرې چې طالبان وغواړي، ورسره د سولې خبرې وکړي.
د ولسمشر غني ویاند صدیق صدیقي نن دوشنبه(د لېندۍ ۲۴مه) په څو ټویټونو کې وویل چې اشرف غنې نن د کابینې غونډې ته وویل چې که طالبان د افغانستان په جغرافیې پورې ځان تړي، نو ولې د دې هېواد د خاورې دننه خبرې نه کوي.
رئیس جمهورغنی:«هرگاه طالبان ادعا دارند که در سرزمین افغانستان اند؛ پس چرا در خاک افغانستان مذاکره نمیکنند؟ هرجایی از افغانستان را که آن ها بخواهند، دولت افغانستان آماده است تا با آنها مذاکره کند. »
— Sediq Sediqqi (@SediqSediqqi) December 14, 2020
ولسمشر غني ویلي چې دی د افغانستان د خاورې دننه د خبرو د بل پړاو د ترسره کېدو لپاره د افغانستان د ملي امنیت د سلاکارحمدالله محب د وړاندیز ملاتړ کوي.
رئیس جمهورغنی درنشست امروز کابینه:«من میخواهم به قوت اظهارات مشاور امنیت ملی افغانستان را در مورد اینکه ما ترجیح می دهیم تا دور دوم مذاکرات صلح در افغانستان انجام شود را، تایید میکنم.» pic.twitter.com/NDK6eIlbDo
— Sediq Sediqqi (@SediqSediqqi) December 14, 2020
طالبانو د ښاغلي محب له دغه وړاندیز وروسته وویل چې پر هغه غور کوي.
د افغانستان د دولت او طالبانو مرکچي پلاوو د قطر په پلازمېنه دوحه کې د خبرو په لومړي پړاو کې چې څه باندې درې میاشتې یې وخت ونیو، یوازې پر کړنلارې سلا کړې او د خبرو د دوام لپاره یې اجنډاوې له یو بل سره تبادله کړي دي.
دواړو لورو ویلي چې د خبرو بل پړاو به د جنوري په پنځمه پیل کړي.