د فلسطیني ادارې مشر په استانبول کې د اسلامي همکاریو سازمان په سرمشریزه کې وویل چې د اسرائیلو او فلسطین ترمنځ د سولې په برخه کې دوو دولتونو حللارې ته ژمن دی، خو وایي ملګرو ملتونه دې د سولې د هڅو مشري واخلي.
محمود عباس پهدې سرمشریزه کې چې د چهارشنبې په ورځ «۱۳۹۶ کال د لیندۍ ۲۲» جوړه شوې وه وویل، د امریکا له لوري د ډسمبر د شپږمې نېټې اعلان چې بیتالمقدسیې د اسرائیل د پلازمېنې په توګه په رسمیت وپېژانده، حیران کړی دی.
د فلسطیني ادارې مشر وايي "م. م" دې د فلسطین د سولې د هڅو مشري واخلي.
دی وایي، نور د منځني ختیځ د سولې په چارو کې د منځګړي په توګه د امریکا رول نهشي منلی.
ښاغلي عباس دغهراز تر دې سرمشریزې وروسته په استانبول کې د ترکیې له ولسمشر رجب طیب اردوغان سره په یوه ګډه خبري غونډه کې وویل چې د ملګرو ملتونو په سازمان کې د اسرائیل غړیتوب غیر قانوني دی.
د فلسطین په اړه د استانبول غونډه
دی وايي:
"موږ به د ملګرو ملتونو په سازمان کې د اسرائیلو د غړیتوب لپاره د دغه سازمان عمومي اسامبلۍ ته ورشو، ځکه پهدې سازمان کې د اسرائیلو غړیتوب د ټولو نړیوالو مقرراتو خلاف دی او هم به د ملګرو ملتونو امنیت شورا ته ولاړ شو، څو هلته د فلسطین دولت لپاره بشپړ غړیتوب ترلاسه کړو."
عباس وايي "م. م" دې د فلسطین د سولې په هڅو کې د منځګړي په توګه د امریکا ځای بدل کړي .
بلخوا د ترکیې ولسمشر رجب طیب اردوغان پر نړیوالې ټولنې غږ وکړ چې بیتالمقدس د فلسطین د پلازمېنې په توګه په رسمیت وپېژني.
نوموړي د فلسطیني ادارې له مشر محمود عباس سره په ګډه خبري غونډه کې دا خبره وکړه.
د ترکیې ولسمشر رجب طیب اردوغان
هغه زیاته کړه:
"یو ځل بیا زه غواړم یوه تاریخي غوښتنه وکړم. زه پر ټولو هغو هېوادونو چې تر اوسهیې فلسطین د یوه دولت په توګه په رسمیت نهدی پېژندلی غږ کوم چې ژر تر ژره دا کار وکړي. نن موږ اعلان کوو چې بیتالمقدس د فلسطین د پلازمېنې په توګه په رسمیت پېژنو. سر له اوسه به زموږ له نظره بیتالمقدس د فلسطین پلازمېنه وي او همداسې به پاتې وي."
اردوغان بیتالمقدس د مسلمانانو لپاره هغه سره کرښه بللې چې د هېڅچا لهخوا یې اشغال نهشي منلی.
د ایران ولسمشر حسن روحاني هم په همدې غونډه کې د فلسطین د حقونو د دفاع لپاره د اسلامي نړۍ د ګډ کار غوښتنه وکړه.
بنیامین نتانیاهو
د اسرائیلو صدراعظم بنیامین نتانیاهو د چهارشنبه په ورځ «۱۳۹۶ کال د لیندۍ ۲۲» په بیتالمقدس کې د دغه هېواد د استخباراتي سازمان موساد په یوه غونډه کې د ولسمشر ټرمپ پر پرېکړې د انتقادونو په غبرګون کې وویل:
"دا به د فسلطینیانو لپاره تر ټولو ښه وي چې حقیقت ومني او د سولې لپاره عمل وکړي، نه د تُندلارۍ لپاره او هم دوی باید د بیتالمقدس په اړه یو بل حقیقت ومني، هغه دا چې دا نهیوازې د اسرائیلو پلازمېنه ده، بلکې موږ په بیتالمقدس کې د ټولو مذاهبو لپاره د عبادت ازادي خوندي کوو. موږ هغه کسان یو چې په منځني ختیځ کې دا چاره په هغه ډول ساتو چې بل هېڅچا ونهکړ او نور پهکې ناکام شول. له همدې کبله دا ټول بیانات پر موږ اغېز نهکوي."
د امریکا متحده ایالاتو ویلي چې دا پرېکړهیې یوازې حقایق منعکسوي او زیاتوي چې دا اقدام دا معنی نهلري چې د اسرائیل او فلسطین ترمنځ د سولې منځګړي په توګه د دغه هېواد رول لهمنځه تللی دی.