د هالنډ چارواکو نن وویل، د هغو ۶۱ کسانو د کرونا معاینه مثبته ختلې چې له جنوبي افریقا دغه هېواد ته ورغلي دي.
دغه کسان تېره ورځ د هالنډ هوایي شرکت ( KLM) دوو الوتنو کې امسټردام ته رسیدلي دي.
د دې کسانو په اخیستل شوېو نمونو ارزونه روانه ده چې معلومه کړي د کرونا نوې بڼه " میکرون" ده او که نه؟
بل لورته د جرمني د هیسن ایالت یوه وزیر پر خپله ټویټرپاڼه لیکلي، له افریقا یوه ورغلي کس کې د ویروس د دغې بڼه نښې نښانې لیدل شوي دي.
بل لورته چک جمهوریت ویلي، یو کس چې له نامیبیا ورغلی دی، کرونا یې د همدې نوې بڼې ده.
تراوسه دا پېښه د چک د روغتیا ملي ادارې له خوا تایید یا رد شوې نه ده.
د اروپایي ټولنې روغتیایي چارواکو ویلي، د کرونا نوې بڼه دغې لویې وچې ته ډېر خطر پېښوي.