د توکیو د المپیکي لوبو تنظیمونکو ویلي، که دا ښار د کرونا وبا د محدودیتونو له کبله له بیړني حالت سره هم مخامخ شي، دا لوبې به ترسره شي.
خو د خلکو ترمنځ دا وېره زیاته ده چې دا لوبې به د کرونا ویروس چټکتیا ته زمینه برابره کړي.
د المپیک د نړیوالې کمېټې مرستیال جان کواتېز 'John Coates' چې د چمتوالي روان بهیر څاري پرون جمعه(د غويي ۳۱مه) وویل، دوی په تر ټولو احتمالي بد حالت کې هم د لوبغاړو او جاپانیانو د ساتنې لارې چارې سنجولي.
د توکیو د المپیک لوبو ته اوس یوازې نهه اوونۍ پاتې دي.
دا لوبې تېر کال د کرونا وبا له کبله وځنډېدې.