د روغتیا نړیوال سازمان په تېرو ۲۴ ساعتونو کې د کرونا ویروس د نژدې درې لکه نویو پیښو راپور ورکړی.
دغه سازمان ویلي، په یوه شپه او ورځ کې ۲۹۴۲۳۷ پیښې بې سارې دي.
له دې سره په نړۍ کې په کرونا ویروس د اخته شویو کسانو شمېر ۲۱ میلیونو ته ورسېد.
تراوسه د کویډ-۱۹ ناروغۍ له کبله نژدې ۷ لکه او ۵۶ زره کسان مړه شوي دي.
امریکا، برازیل او مکسیکو هغه درې هېوادونه دي چې د کویډ-۱۹ ناروغۍ له کبله د مړو شویو کسانو نژدې نیمایي پېښې په کې رامنځته شوي.
د روغتیا نړیوال سازمان یوازې د کرونا د پیښو او مړینې رسمي شمېرې ثبتوي، باور دا دی چې نا رسمي شمېرې ممکن له دې هم لوړې وي.