د کرونا ویروس وبا په اړه د یوه پرېکړهلیک نوې مسوده چې د دې وبا په ترڅ کې د ټولې نړۍ په جګړو کې د اوربند غوښتنه کوي، د ملګرو ملتونو امنیت شورا ته وړاندې شوه.
د دې پرېکړهلیک په مسوده کې د امنیت شورا د غړو ترمنځ د روغتیا د نړیوالې ادارې د یادولو پر سر اختلاف و، خو کېدای شي چې دا د دې پرېکړهلیک د تصویب لپاره وروستی چانس وي.
چین غواړي چې په پرېکړهلیک کې د روغتیا نړیوال سازمان یاد شي، خو د امریکا متحده ایالات نهغواړي.
د پرېکړهلیک نوې مسوده پرون سې شنبه د جرمني او ایستونیا له لوري وړاندې شوه.
دا پرېکړهلیک د افغانستان په شمول د نړۍ په ټولو هغو سیمو کې چې جګړې روانې دي، له کرونا ویروس سره د مبارزې لپاره د اوربند غوښتنه کوي.