روغتیايي مسؤلین وایي چې په ارزګان کې د روان کال تر دې مهاله ۱۰۲ ملکي کسانو ته مرګ ژوبله اوښتې ده.
دوی وايي، دا هغه کسان دي چې یوازې د مرکز ترینکوټ ښار په شااوخوا سیمو کې د جګړي پرمهال وژل شوي او یا ټپیان شوي چې زیاته برخه يې ښځې او ماشومان دي.
له دې سره په ارزګان ولایت کې د بشري حقونو د سیمه ییز دفتر مسؤلین هم دغلته د ملکي تلفاتو په زیاتوالي اندېښنه ښيي.
د ارزګان ولایت امنیتي چارواکي بیا د دغو ملکي تلفاتو پړه پر وسله والو طالبانو ورغوځوي، خو وسله وال طالبان یې مسؤلیت د افغان او بهرنیو ځواکونو بولي.
په دې اړه نور حال د ازادي راډيو د خبریال شریف الله شرافت په راپور کې د لاندې لېنک په کېکاږلو اورېدای شئ:
