په ارزګان کې یو شمېر ناروغان د دې ولایت له ولایتي روغتون له خدماتو سر ټکوي.
د ارزګان ولایتي روغتون ته د درملنې لپاره د ناروغانو سره راغلي یو شمېر پایوازانو ازادي راډيو ته وویل چې ناروغانيې د مرګ په بستر پراته دي، خو په روغتون کې نه درمل ورکول کېږي او نه يې ډاکټران د ناروغانو درملنه کوي.
دغه پایوازان زیاتوي چې په یاد روغتون کې دومره اوبه نشته چې اودس پرې وکړي او په خبره یې چې زیاتره د لمانځه لپاره تیمم وهي.
د ولایتي روغتون مسؤلین بیا د اوبو او د پایوازانو لپاره د ځای نشتوالي مني، خو دا نه مني چې ناروغانو ته درمل نه ورکول کېږي.
د ازادي راډيو خبریال شریف الله شرافت دغه روغتون ورغلی او په اړه دا راپور د لاندې لېنک په کېکاږلو سره اورېدلی شئ:
