د امریکا متحده ایالاتو ولسمشر ډونالد ټرمپ له سپینې ماڼۍ څخه په وینا کې اعلان وکړ چې هېواد بهيې له ایران سره د نړیوالو قوتونو د ۲۰۱۵ میلادي کال له اټمي موافقې ووځي.
نوموړي وویل:
"زه نن اعلان کوم چې متحده ایالات به د ایران له اټمي معاملې ووځي. په څو شېبو کې به زه یو ریاستي یادداشت لاسلیک کړم چې په دې سره به پر ایراني رژیم لهسره اټمي بندیزونه لګېدل پیل شي."
ولسمشر ټرمپ دغهراز پر ایران د سختو اقتصادي بندیزونو د بیا لګولو خبره هم وکړه.
نوموړي وویل، د ایران د اټمي ګواښونو د مخنیوي لپاره به د امریکا له متحدانو سره پر یوه جامع او دوامداره حللاره کار وکړي چې د ښاغلي ټرمپ په وینا د ایران د ترورېستي فعالیتونو او د بالیسټیک توغندیو د پروګرام ګواښونه لهمنځه یوسي.
اخوا بیا د ایران ولسمشر حسن روحاني د ډونالد ټرمپ د دې اعلان په عکسالعمل کې خبرداری ورکړ چې که له اروپايي هېوادونو سره د اټمي موافقې په اړه خبرې ناکامه شي، نو تهران به په راتلونکو څو اوونیو کې تر پخوا زیات د یورانیمو غني کول او اټمي فعالیتونه له سره پیل کړي.
روحاني په ټلوېزیوني وینا کې وړاندې وویل:
"له همدې شېبې څخه د عمل ګډ او جامع پلان د ایران او پنځو هېوادونو ترمنځ موافقه ده. له همدې شېبې یو له پنځه جمع یو نه بهر شو. پهدې حالت کې موږ باید د دې موافقې په اړه د ۶ هېوادونو چلند ته منتظر شو."
د ایران ولسمشر وویل، د هېواد د اټمي انرژۍ ادارې تهيې ویلي دي چې هر کله اړتیا وه تر پخوا دې زیات د یورانیمو غني کول پیل کړي.
بریتانيا، فرانسې او جرمني چې هڅې يې وکړې ولسمشر ټرمپ قانع کړي چې لهدې موافقې ونهوځي، د امریکا د جمهور رئیس د اعلان په اړه خواشیني څرګنده کړې ده.
د اروپايي ټولنې د بهرني سیاست او د امنیتي چارو مسؤله فدریکا موګرېني ویلي چې د ایران اټمي موافقه لویه ډیپلوماتیکه لاسته راوړنه ده او دا اتحادیه بهيې برخه پاتې شي.
د ډونالد ټرمپ تر اعلان مخکې روسيې خبرداری ورکړی و چې که امریکا د ایران له اټمي موافقې ووځي، نو یو جدي حالت به رامنځته شي.
