د افغانستان د پوځ لوی درستیز وايي، له هندهیې د وسلو غوښتنه نهده کړې.
نوې ډېلي ته د ولسمشر محمد اشرف غني د دوه ورځني سفر او له هندي چارواکو سره د هغه خبرو ډېر جزئیات نهدي خپاره شوي.
خو د افغانستان د پوځ لوی درستیز قدمشاه شهیم وویل چې دوی له هندوستانه د سپکو او درنو وسلوغوښتنه نهده کړې او څرګندهیې کړه چې ښاغلی غني نوې ډېلي ته په خپل سفر کې له هندي چارواکو وسلې نهغواړي.
ټاکل شوې چې ولسمشر محمد اشرف غني نن نوې ډېلي ته ولاړ شي.
ولسمشرۍ ماڼۍ وايي ښاغلی غني به له هندي چارواکو سره پر دوه اړخیزو اقتصادي او سیاسي اړیکو خبرې وکړي.
قدمشاه شهیم چې څو ورځې مخکې هند ته تللی او هلتهیې د ځمکنیو اوسمندري ځواکونو له لوړ رتبه مشرانو سره کتلي، وايي چې د افغانستان د پوځ د وسلو تخنیک له هندي وسلو سره فرق لري.
ښاغلی شهیم زیاتوي:
"موږ له هند سره تر اوسه د توپونو او ټانکونو پر غوښتنه خبرې نهدې کړي ځکه له موږ سره د وسلو په تشکیلاتو کې د امریکا متحده ایالات او ناټو مرسته کوي. موږ د تعلیم او تربيې، د ناروغانو د درملنې او پوځي تجربې د شریکولو او ګډو پوځي تطبیقاتو خبرې کړي خو د وسلو خبره نهده شوې ځکه د هندي وسلو تخنیک زموږ له اوسنیو وسلو سره فرق لري. خو زموږ د اړتیا په صورت کې د بحث وړ موضوع ده او خبرې ورباندې کېدلائ شي."
د روېټرز خبري اژانس په حواله، داسې ګڼل شوې وه چې لوی درستیز قدمشاه شهیم د اګست په وروستیو کې هند ته په خپل سفر کې، د پوځي تجهیزاتو هغه لېست هندي لوري ته وړاندې کړی چې د امریکا له پوځ سره د مشورې پر اساسیې جوړ کړی دی.
روېټرز همداراز په نوې ډېلي کې د افغانستان د سفیر شیدا محمد ابدالي په حواله خبر ورکړی و چې هند به له ترورېزم سره په مبارزه کې، له افغانستان سره د مرستې لپاره دې هیواد ته زیاتې وسلې ورکړي.
شیدا محمد ابدالي روېټرز خبري اژانس ته ویلي وو چې هند به دا کار د پاکستان اندېښنې ته له پاملرنې پرته کوي ځکه چې د هغه په وینا، سیمهییز امنیت د خرابېدو په حال کې دی او د افغانستان امنیتي ځواکونه له وسلهوالو طالبانو او نورو ډلو سره د مبارزې لپاره وسلو او پوځي تجهیزاتو ته سخته اړتیا لري.
خو د افغانستان د پوځ لوی درستیز قدمشاه شهیم وویل چې له هندهیې یوازې د الوتکو د ترمیم لپاره د پرزو غوښتنه کړې ده.
قدمشاه شهیم وايي:
"هغه پرزې چې د ناټو په غړو هېوادونو کې نه پیدا کېږي او زیاتې له روسیې سره دي، موږ له هند سره خبرې کړي چې راته برابرې یې کړي نو هغوي به له روسيې سره هم خبرې وکړي. دا پرزې موږ د خپلو هغو الوتکو د ترمیم لپاره کارولائ شو چې په روسي سیسټمونو برابرې دي."
هند د طالبانو د رژیم تر سقوط وروسته لږ تر لږه ۲ میلیارده ډالر له افغانستان سره اقتصادي مرسته کړې ده. نوې ډېلي د تېر کال په ډسمبر میاشت کې اعلان وکړ چې افغانستان ته څلور «Mi-۲۵» جنګي هليکوپټر ورکوي. دا اول وار وو چې هند له افغانستان سره د جنګي وسایلو کمک اعلان کړاو ۳ هليکوپټر یې په فبروري کې د افغانستان ملي اردو ته ورسېدل.
هند ته د ولسمشر محمد اشرف غني تر سفر مخکې داسې رپوټونه خپاره شوي و چې ښايي له هندي چارواکو د سپکو او درنو وسلو د غوښتنې پر اساس، په دې اړه د هند د صدراعظم نرېندرا مودي له لوري ژمنې هم ترلاسه کړي.
دې ته په اشاره، د پاکستان د بهرنیو چارو وزارت د افغانستان او هند تر منځ د پوځي اړیکو د پراختیا په اړه اندېښنه څرګنده کړه.
خو په کابل کې د هند سفیر من پریت ووهرا پرون ازادي راډیو ته وویل چې د پاکستان دا اندېښنه د پوښتنې وړ ده.
ښاغلي ووهرا وویل، هند او افغانستان خپلواکې بهرنۍ کړنلارې لري، خپلو خلکو ته د خدمت لپاره د اړیکو پراختیا ته کار کوي او دا د پاکستان حق نهدی چې په دې اړه اندېښنه څرګنده کړي.