په تېرو دوو کلونو کې په فرانسه کې ګڼ تروريستي حملې شوي چې په کې سلګونو کسانو ته مرګ ژوبله اووښتې.
د فرانسې په نيس ښار کې د دغه هېواد د ملي ورځې د لمانځلو پر مهال يوه کس د خلکو پر ګڼه ګوڼه په سرعت سره لارۍ وروسته او څلور اتيا کسان يې ووژل.
په فرانسه کې په تېرو دوو کلونو کې يو شمېر حملې شوي دي.
د ۲۰۱۵میلادي کال په پيل کې د جنورۍ په اوومه نېټه، حضرت محمد (ص) ته د منسوبو کاریکاتورونو له خپرېدو وروسته، په پاريس کې د شارلي ابد مجلې پر دفتر حمله وشوه او په کې يوولس کسان ووژل شول.
د جنورۍ په اتمه نېټه، د پاریس په جنوب کې يو پوليس ووژل شو او یو لاروی ټپي شو.
د جنورۍ په نهمه نېټه، د پاريس په شمال لويديځ کې د دوو مشکوکو کسانو د نیولو په مقصد د پوليسو عملیاتو روان وو چې يو وسله وال کس په یوه مغازه ننوت او څلور کسان يې ووژل.
د ۲۰۱۵میلادي کال د جون په شپږويشتمه نېټه د فرانسې په لیون ښار کې د امريکا د ګازو په يوه فابريکه له لارۍ سره ننوت او په پايله کې يې چاودنه وشوه.
د همدې کال د اګست په يويشتمه نېټه، په فرانسه کې يوه وسله وال کس له کلاشنکوف او چاړې سره په يوه تېز روان رېل کې غوښتل پر سورليو حمله وکړي چې د درو امريکايي مسافرو له خوا حنثی شوه.
د ۲۰۱۵میلادي کال په ديارلسمه او څوارلسمه نېټه په فرانسه کې د دې هېواد په تاریخ کې تر ټولو لویه حمله وشوه چې په پايله کې يې يوسل او دېرش کسان ووژل شول او تر درې نیم سوه زيات ټپيان شول.
د دغې حملې مسئوليت اسلامي دولت سخت دريځې ډلې منلی وو.
د روان ۲۰۱۶میلادي ميلادي کال په جنورۍ مياشت کې لومړۍ حمله د موټر په واسطه د فرانسې پر څلورو عسکرو وشوه چې په والنس ښار کې يې د يوه جومات ساتنه کوله.
د جنورۍ په اوومه نېټه، په پاريس کې د پوليسو پر يوه حوزه حمله وشوه.
تر دې حملې مخکې په نيس ښار کې وروستۍ تروريستي حمله د روان کال د جون په ديارلسمه نېټه وشوه چې په کې یو پوليس افسر او مېرمن يې ووژل شول او د دې حملې پړه هم اسلامي دولت سخت دريځې ډلې پر خپله غاړه واخيسته.
