د افغانستان د بشري حقونو خپلواک کمېسيون له پاکستانه غواړي چې په دغه هېواد کې د مېشتو افغان کډوالو د ځورونې مخه ونيسي.
پاکستان اعلان کړى چې هلته يې د افغان کډوالو د استوګنې د اسنادو موده تر راتلونکو شپږو مياشتو پورې غزولې ده.
خو د بشري حقونو د څار ادارې بيا غوښتنه کړې چې د دغو اسنادو د اعتبار موده دې د ٢٠١٧میلادي کال تر پاى پورې وغزول شي، څو د افغان کډوالو خوندي او باعزته ستنېدنې ته زمينه برابره شي.
د افغانستان د کډوالو چارو وزارت بيا وايي هيله من دى چې پاکستان د افغان کډوالو د استوګنې موده دوه کاله نور هم وغزوي.
په پاکستان کې مېشت افغان کډوال له افغان حکومت نه غواړي، چې امکانات ورته برابر کړي.
په دې اړه د صالح محمد صالح چمتو شوی راپور په غږ کې واورئ:
