د امريکا متحده ايالاتو ولسمشر بارک اوباما وويل، امريکايي خوردضابط باو برګدال چې پنځه کاله له وسلوالو طالبانو سره اسير و، خوشې شو.
امريکايي چارواکي وايي برګدال د طالبانو له پنځو بنديانو سره تبادله شوى، دغه کسان په ګوانتنامو کې بنديان وو چې اوس د قطر چارواکو ته سپارل شوي دي.
چارواکي وايي د برګدال د خوشې کېدو لپاره د قطر په منځګړيتوب د طالبانو او امريکا ترمنځ له څو مياشتو راهيسې غيرمستقيمې خبرې روانې وې.
د شنبې په ماښام د افغانستان په ختيځ کې ډيورند کرښې ته څېرمه په دې تبادله کې د امريکا د ځانګړو ځواکونو په لسګونو غړو برخه درلوده.
راپورونه وايي دغه ٢٨ کلن امريکايي سرتېرى برګدال د بګرام پوځي اډې ته انتقال شوى او درملنه يې روانه ده. چارواکو يې صحي وضعيت ښه بللى دى.
امريکايي سرتېرى باو برګدال د ٢٠٠٩م کال د جون مياشتې له دېرشمې راهيسې د طالبانو په ولکه کې و.
دى دوې مياشتې وروسته تر دې چې افغانستان ته لاړ، تر ناڅرګندو شرايطو لاندې ونيول شو.
داسې باور کېږي چې دى به د حقاني تروريستي شبکې له خوا نيول شوى و.
د اسارت په موده کې برګدال څو ځلې په هغو ويډيويي کليپونو کې راڅرګند شو، چې ظاهراً طالبانو خپرول.
امريکايي چارواکو له دې ډلې، دفاع وزير چک هېګل د برګدال د خوشې کېدو هرکلى وکړ.
د امريکا ولسمشر بارک اوباما په يوه اعلاميه کې وويل، نن د امريکا خلک خوشحاله دي، چې تر پنځو کلونو وروسته د امريکايي خوردضابط باو برګدال هرکلى کوي.
د برګدال مور و پلار په يوه اعلاميه کې ويلي چې د خپل زوى په خوشې کېدو خوشحاله دي او په بېصبرۍ يې د ليدو په تمه دي.
امريکايي چارواکي وايي برګدال د طالبانو له پنځو بنديانو سره تبادله شوى، دغه کسان په ګوانتنامو کې بنديان وو چې اوس د قطر چارواکو ته سپارل شوي دي.
چارواکي وايي د برګدال د خوشې کېدو لپاره د قطر په منځګړيتوب د طالبانو او امريکا ترمنځ له څو مياشتو راهيسې غيرمستقيمې خبرې روانې وې.
د شنبې په ماښام د افغانستان په ختيځ کې ډيورند کرښې ته څېرمه په دې تبادله کې د امريکا د ځانګړو ځواکونو په لسګونو غړو برخه درلوده.
راپورونه وايي دغه ٢٨ کلن امريکايي سرتېرى برګدال د بګرام پوځي اډې ته انتقال شوى او درملنه يې روانه ده. چارواکو يې صحي وضعيت ښه بللى دى.
امريکايي سرتېرى باو برګدال د ٢٠٠٩م کال د جون مياشتې له دېرشمې راهيسې د طالبانو په ولکه کې و.
دى دوې مياشتې وروسته تر دې چې افغانستان ته لاړ، تر ناڅرګندو شرايطو لاندې ونيول شو.
داسې باور کېږي چې دى به د حقاني تروريستي شبکې له خوا نيول شوى و.
د اسارت په موده کې برګدال څو ځلې په هغو ويډيويي کليپونو کې راڅرګند شو، چې ظاهراً طالبانو خپرول.
امريکايي چارواکو له دې ډلې، دفاع وزير چک هېګل د برګدال د خوشې کېدو هرکلى وکړ.
د امريکا ولسمشر بارک اوباما په يوه اعلاميه کې وويل، نن د امريکا خلک خوشحاله دي، چې تر پنځو کلونو وروسته د امريکايي خوردضابط باو برګدال هرکلى کوي.
د برګدال مور و پلار په يوه اعلاميه کې ويلي چې د خپل زوى په خوشې کېدو خوشحاله دي او په بېصبرۍ يې د ليدو په تمه دي.