د شپږم ټولګې نجونې زده کوونکې اندېښمنې دي چې نور نه شي کولای تعلیم ته دوام ورکړي
په کابل کې د یوه ابتدائیه ښوونځي یوه ښوونکې وايي چې د شپږم ټولګي زده کوونکې نجونې په دې اندېښنو کې شپې ورځې تېروي چې ښايي نور د زده کړې د دوام اجازه ورنکړل شي. دې ښوونکې چې د موضوع د حساسیت له امله یې نه غوښتل نوم یې واخیستل شي، ازادي راډیو ته وویل چې دا نجونې لوی خوبونه لري او پوښتنه کوي چې ایا دوی کولای شي په راتلونکي کې د هغې په څېر ښوونکې شي؟ د ازادي راډیو خبریال له دې ښوونکې سره په مرکه کې له هغې پوښتلي چې دا نجونې د خپلو زده کړو د دوام لپاره څومره لېوالتیا لري: