سپینه ماڼۍ وايي، ولسمشر ډونالډټرمپ د کوید۱۹ ناروغۍ د خفیفو علایمو له لرلو سره سره خپل کار ته دوام ورکوي.
ښاغلي ټرمپ پرون- جمعه اعلان وکړ چې د ده او د ده د مېرمنې میلانیا د کرونا د ټسټ نتیجه مثبته وخته.
دا اعلان په داسې حال کې چې د امریکا د ولسمشرۍ انتخاباتو ته یوازې یوه میاشت پاتې ده، د ټرمپ انتخاباتي کمپاین ګواښلی شي.
د سپینې ماڼۍ ډاکتر شان کونلي پرون د اکتوبر په دوهمه وویل، ۷۴ کلن ټرمپ کمزوری ښکاري خو د احتیاطي تدابیرو په ترڅ کې د یو ځل لپاره داسې تجربوي درمل ورکړل شوي دي چې د وجود مقاومت لوړوي.
ډاکټر کونلي زیاته کړه چې لومړۍ مېرمن میلانیا ټرمپ ښه ده خو یوازې خفیف ټوخی او سرخوږی لري.
د نوموړي په وینا د ټرمپ د کورنۍ نور غړي ښه دي او د کرونا ټېسټونه یې منفي وتلي دي.