په هلمند کې د ازادي راډیو خبریال محمد الیاس داعي وايي، د ټاکنو خپلواک کمېسیون ژمنه وکړه چي د رأی اچونکو د موجودیت په صورت کې به تر څلورو بجو وروسته هم د رأی اچونې بهیر ته ادامه ورکړي.
د ازادي راډیو خبریال نورالله شایان وايي په کابل کې د باقر العلوم جومات چې د رایې ورکونې مرکز پکې دی خلک شکایت کوي چې د دې مرکز کارکوونکي د انتخاباتو پروسه په چټکۍ مخکې نه بیايي.
خو د انتخاباتو کمیسیون تر اوسه په دې اړه څه نه دي ویلي.
په ننګرهار کې د انتخاباتو ژوندی بهیر:
د خوست چارواکي وايي چې نن په یاد ولایت کې د رأی اچونې ټول ۱۸۶ مرکزونه د رأی اچونکو پر مخ خلاص دي.
دوی وايي، ځینې ستونزې شته، خو د امنیتي ګواښونو له کبله هېڅ د رای اچونې مرکز نه دی تړلی.
په خوست ښار کې د رأی اچونو مرکزونو ته زرګونه خلک ور روان دي، د رأی اچونې په مرکزونو کې له دې کبله د خلکو ګڼه ګوڼه ډېره شوې چې د تخنیکې ستونزو له کبله رأی ژر-ژر نه شي استعمالولی.
د خوست ښار د یعقوبیو اډې جومات ته سهار وختي د سلګونو کسانو اوږد کتار جوی شوی وو.
