د خبریالانو ملاتړي بنسټونه وايي، د ۲۰۲۴ کال له پیله د افغان خبریالانو پر وړاندې د طالبانو ځپونکي اقداماتو زیات شوي.
د کابل پرېس کلب مشر او د خبریالانو ملاتړی عزیز احمد تسل وايي، طالبان د بیان ازادي او د خبریال حقونه تر پښو لاندې کوي او خلکو ته یې د اطلاعاتو د رسولو مخه نیولې ده.
طالبانو تېره یوه اوونۍ کې په کابل او خوست کې لږ تر لږه شپږ خبریالان او رسنیز کارکوونکي نیولي.
د طالبانو ویاند د یوه خبریال د بندي کولو په باب ادعا کړې چې هغه ګواکې د طالبانو له مخالفینو سره اړیکې درلودې.
صفي الله ستانکزي د کابل پرېس کلب له مشر عزیز احمد تسل سره د افغان خبریالانو په اوسني وضعیت مرکه کړې چې د لاندې لېنک په کېکاږلو سره یې اورېدلی شئ:
Your browser doesn’t support HTML5
تسل سره مرکه