د امریکا د متحدو ایالتونو په سلګونو وګړي چې د سوډان له جګړې تښتېدلي دي، پرون شنبه د ځمکې له لارې خطرناک سفر بشپړ کړ او د سوډان یوه نسبتاً خوندي بندر ته ورسېدل.
په وسلو سمبالو بې پېلوټه الوتکو دغه امریکايي وګړي بدرګه کوله.
د امریکايي چارواکو په خبره د امریکا بې چلوونکې الوتکې له څو ورځو د دغو کسانو د راتګ لار څارله او د سوډان تر بندر پورې یې ۸۰۰ کیلومتره ساحې ته د وسله والې څارنې زمینه برابره کړې وه.
د امریکايي وګړو په بسونو کې له ۲۰۰ تر ۳۰۰ پورې امریکايي وګړو سپاره وو.
د امریکا پر حکومت د هغو ۱۶زره امریکايانو له خوا چې په سوډان کې راګیر پاتې دي، انتقادونه کېدل.
په سوډان کې د واک پر سر دوې اوونۍ وړاندې د چټک ملاتړ ځواکونو په نامه د ملېشو د مشر محمد حمدان دقلو او د سوډان د پوځ قومندان عبدالفتاح البرهان ترمنځ نښته پیل شوه.