د ملګرو ملتونو د بشري مرستو د همغږۍ اداره اوچا وايي، مرستندویې ادارې په ۲۰۲۳م کال کې د میلیونونو افغانانو لپاره د بشري مرستو رسولو ته دوام ورکوي.
دغې ادارې نن سهار په یوه ټویټ کې لیکلي، نړیواله ټولنه باید په اوسني وخت کې د خلکو تر څنګ ودرېږي او نه دې پرېږدي چې وضعیت نور هم خراب شي.
ملګرو ملتونو ویلي، روان کال به په افغانستان کې بشري مرستو ته د اړو کسانو شمېر ۲۸ میلیونه او درېیو لکو ته ورسېږي.
نړیوال بانک په خپل تازه راپور کې ویلي، افغانستان لا هم په نړۍ کې د خوراکي توکو له کمښت سره مخ دی او درې میلیونه او دوه لکه ماشومان چې عمرونه یې تر پنځو کلونو کم دي، په خوارځواکۍ اخته دي.