د طالبانو حکومت په خپله سرپرسته کابینه کې یولړ تازه مقررۍ اعلان کړي.
د حکومت ویاند ذبیح الله مجاهد پرون پر خپل ټویټر خبر ورکړ چې د طالبانو د لوی مشر د لارښوونې په اساس د ټولګټو وزارت پخوانی سرپرست وزیر د کار او ټولنیزو چارو د وزیر په توګه او د اوبو او انرژۍ وزارت پخوانی معین ملا محمد عیسی ثاني د ټولګټو چارو د سرپرست وزیر په توګه ټاکل شوي دي.
طالبانو له دې مخکې هم څو ځلې په خپله کابینه کې یو لړ بدلونونه راوستي دي.
د طالبانو ډېری وزیران ملایان دي او په کابینه کې یې هېڅ ښځه هم نه شته.
د طالبانو حکومت تراوسه د نړۍ هېڅ هېواد په رسمیت نه دی پېژندلی.