د زړورتیا سمفوني، د فریدې او زهرا احمدي کیسه ده. دوی د افغانستان د موسیقۍ د ملي انستیتوت وروستي زده کوونکي وو چې پر افغانستان د طالبانو له بیا واکمنۍ وروسته له دې هېواده ووتل.
د افغانستان د موسیقۍ ملي انستیتوت (ANIM) په دغه هېواد کې د موسیقۍ یوازنی ښوونځی او د ««زهره» په نوم د نړیوال ښځینه ارکستر کور و.
د افغانستان د موسیقۍ ملي انستیتوت مشر ډاکتر احمد ناصر سرمست له یوه نړیوال ټیم سره کار وکړ څو د دغو زده کوونکو د تخلیې زمینه برابره کړي. دوحه کې له یوې لنډې مودې وروسته، دې ډلې لېسبون (خپل نوي کور) ته سفر وکړ، هغه ځای چې کولای شي په کې په یوه ازاده او خلاصه ټولنه کې موسیقي وکړي.