سیکان او هندوان له افغانستان څخه بیړني وتل غواړي

د شنبې په ورځ د افغان سیکانو او هندوانو پر یو عبادتځای له خونړي برید وروسته، د دوی ځینو له ملګرو ملتونو وغوښتل ، هر څومره زره چې ممکنه وي له افغانستان ورته د وتلو زمینه برابره کړي. هدفي بریدونه له هېواد څخه د افغان سیکانو او هندوانو د ډله ایزې کډوالۍ یو سبب دی. په افغانستان کې ددې مذهبي لږکیو شمېر څو لسیزې مخکې تر سل زرو پورته و، خو اوس نژدې شپیته تنه افغانستان کې پاتې دي.