د کاناډا د کډوالو وزیر ویلي دمګړۍ د هغو افغانانو شمېر نږدې ۱۲ نیم زرو ته رسېدلی چې دوی د طالبانو له بیا واکمنېدو را وروسته له افغانستانه کاناډا ته لیږدولي.
شان فریزر په دې اړه په یوه ټوېټ کې ویلي چې وروستۍ ډله ۳۳۶ افغانان د شنبې په ورځ له پاکستانه کاناډا ته ولېږدول شول.
ښاغلي فریزر ویلي چې دغو کسانو په افغانستان کې د کاناډا له ماموریت سره اوږه په اوږه کار کړی او دی یې ستاینه کوي.
د کاناډا د کډوالو وزیر ویلي د هغو افغانانو د را ایستلو لپاره هوډ لري چې له کاناډا سره یې کار کړی دی.