د ژورنالېستانو نړیوال فدراسیون په هلمند کې د ازادي راډیو د خبریال الیاس داعي د وژل کېدا په اړه په یوه اعلامیه کې ویلي چې دا ټولنه په افغانستان کې د ژورنالېستانو لپاره د حالاتو پر خرابېدو ژوره اندېښنه ښيي.
الیاس داعي چې څه باندې یوه لیسزه یې له ازادي راډیو سره د یوه ډېر فعال او تکړه خبریال په توګه کار وکړ، پرون په لښکرګاه کې د هغه مقناطیسي بم په چاودنه کې ووژل شوچې د ده په موټر پورې نښلول شوی و.
د ژورنالېستانو نړیوال فدراسیون ویلي چې د افغانستان د ژورنالېستانو له خپلواکې ټولنې سره یوځای د دې پېښې په اړه معلومات راټولوي.
دې ټولنې همدا راز ویلي چې پر الیاس داعي برید وروسته له دې کېږي چې پر کابل پوهنتون خونړۍ تروریستي حمله وشوه.
له بلې خوا د بخښنې نړیوال سازمان یا ایمنسټي انټرنېشنل د الیاس داعي وژنه جنګي جنایت بللی.
دې ډلې همدا راز ویلي، د ازادي راډیو د خبریال الیاس داعي وژنه جنګي جنایت دی، ژورنالېستان، د رسنیو کارکوونکي او د بشري حقونو مدافعان باید په نښه نه شي او باید پرېښودل شي چې خپل کار بې ډاره او په ازاد ډول وکړي.
دې سازمان د افغانستان پر حکومت غږ کړی چې د ژورنالیستانو او د بشري حقونو د ملاتړو د ساتنې لپاره هېڅ راز هڅه ونه سپموي، د دې ډول حملو په اړه تحقیقات وکړي او عاملان یې د عدالت منګولو ته وسپاري.
په کابل کې د امریکا د سفارت شارژدافیر راس ویلسن د الیاس داعي وژنه وحشیانه بللې او ویلي یې دي چې پر خبریالانو دا حملې باید ژر تر ژره ودریږي.
I vehemently condemn the killing of Radio Azadi News journalist Elyas Dayee by a magnetic bomb this morning. This is another attack on the freedom of the press. These attacks on journalists must stop immediately. My deepest sympathies to his family & colleagues at @DaRadioAzadi.
— Chargé d’Affaires Ross Wilson (@USAmbKabul) November 12, 2020
ده دغه راز ویلي چې د الیاس داعي کورنۍ او په ازادي راډيو کې د هغه له همکارانو سره غمرازي کوي.
په کابل کې د بریتانیا سفارت د الیاس داعي وژل کېدا بوږنوونکې او خواشینوونکې بللې ده.
دغه سفارت پر خپله ټویټرپاڼه کښلي: "د الیاس داعي کورنۍ، ملګرو او هغو ټولو کسانو ته چې په دې پېښه کې اغېزمن شوي، تسلیت وړاندې کوي. افغان خبریالان باید په ازاده توګه او پرته بې بېرې کار وکړي."
We are shocked & saddened by the killing of Elyas Dayee this morning. Our thoughts are with his family, friends & all affected by this horrific attack.Afghan journalists must be able to report freely, without fear of being targeted or killed. This incident must be investigated.
— UK in Afghanistan (@UKinAfghanistan) November 12, 2020
دغه سفارت همدا راز له افغان حکومته غوښتي چې د دې پېښې په اړه دې تحقیقات وکړي.
په کابل کې د جرمني سفارت هم پر خپله ټویټر پاڼه د الیاس داعي پر وژنه د هغه له کورنۍ او ملګرو سره د خواخوږۍ پیغام خپور کړی.
Again, we are deeply shocked and saddened. The killing of @DaRadioAzadi #journalist Ilyas Dayee today was another attack against one of the core foundations of a democratic society -#FreePress. Our thoughts are with the grieving families. Violence must stop. It is time for peace.
— Germany in Afghanistan (@GermanyinAFG) November 12, 2020
د جرمني سفارت په خپل پيغام کې دا هم ویلي چې تاوتریخوالی باید ودریږي او اوس د سولې وخت رارسېدلی دی.
په افغانستان کې د ملګرو ملتونو مرستندوی دفتر یا یوناما هم په دې اړه پر ټويټر لیکلي چې ملګري ملتونه په هلمند کې پر خبریال الیاس داعي حمله په سختو ټکو غندي.
The UN condemns today%27s killing of #journalist Ilyas Dayee in #Helmand. All civilians need protecting. All #Afghanistan needs a #freepress where journalists are safe and the rule of law is upheld. https://t.co/AeGzWo5dDp
— UNAMA News (@UNAMAnews) November 12, 2020
په ټویټ کې زیاته شوې: "ټول ملکیان باید خوندي شي. ټول افغانستان ازادو رسنیو ته اړتیا لري چېرته چې ټول خبریالان خوندي وي او قانون پلی وي."
همدا راز د کاناډا سفارت هم پر خپله ټويټر پاڼه د الیاس داعي پر وژل کېدا غمشریکي کړې او لیکلي يې دي:" د ازادي راډيو پر خبریال الیاس داعي وحشیانه حمله غندي او د زړه له کومي د هغه له کورنۍ او ملګرو سره خواخوږي څرګندوي."
Journalists raise the voice of people: freedom of expression in #Afg must not be compromised. The killing @DaRadioAzadi reporter #IlyasDaei is a cowardly act & @CanEmbAFG strongly condemns this assassination. We send our heartfelt condolences to his family & friends #MediaFreedom
— Canada in AFG (@CanEmbAFG) November 12, 2020
د کاناډا سفارت زیاته کړې، خبریالان د خلکو غږ پورته کوي. په افغانستان کې د رسنیو پر ازادي باید جوړجاړی ونه شي.
په کابل کې د ډنمارک سفارت هم دا غمیزه د نه منلو وړ بللې ده. دغه سفارت پر خپله ټویټرپاڼه لیکلي چې دا په افغانستان کې په یوه اوونۍ کې دوهم خبریال دی چې وژل کیږي.
Targeted killings of journalists in #Afghanistan is unacceptable. We strongly condemn the attacks on two journalists assassinated within a week in #kabul and #Helmand. #Denmark expresses its strongest support to the vibrant #media and #FreedomOfSpeech in #AFG. pic.twitter.com/3uZVZGRcsp
— Denmark in Afghanistan (@DKinAfghanistan) November 12, 2020
ډنمارک له افغان رسنیو او مطبوعاتو له ازادۍ سره خپل ملاتړ تکراروي.