په داسې حال کې چې د کرونا وایروس خپرېدو د نړۍ پر مالي بازارونو اغېز کړی، د امریکا د متحده ایالاتو ولسمشر ډونالد ټرمپ به له کرونا وایروس سره د مبارزې لپاره له کانګرسه د دونیم میلیارد ډالرو غوښتنه وکړي.
سپینې ماڼۍ ویلي، دغه دونیم ملیارده ډالره چې ولسمشر ډونالد ټرمپیې له کانګرس غوښتنه کړې یو میلیارد ډالر بهیې د کرونا وایروس په وړاندې پر واکسین جوړولو او له دغه وایروس د خلکو د ساتنې پر چارو ولګېږي.
د سپینې ماڼۍ د بودجې د څانګې ویاندې راچل سیمیل وویل، پاتې یو نیم میلیارد ډالر به د دغه وایروس په وړاندې د تیاریو او نورو فعالیتونو او د وسایلو او تجهیزاتو پر رانیولو ولګېږي.
د کرونا وایروس په وړاندې د مبارزې لپاره له کانګرس څخه د دونیم میلیارد ډالرو غوښتنه داسې مهال کېږي چې په نړۍ کې د دغه وایروس خپرېدو د اسهامو په نړیوالو مارکېټونو ډېر اغېز کړی دی.
ارشیف
د والسټریټ بازار په ګډون د نړۍ د ډېرو بازارونو اسهام رالوېدلي او د تېلو بیې هم ډېرې راټیټې شوې دي.
په نړۍ کې پر کرونا وایروس د اخته شویو کسانو شمېر له ۸۰ زرو اوښتی دی.
په چین کې چې د دغه وایروس اصلي سرچېنه ده پر کرونا د اخته شویو شمېر نږدې ۷۸ زره او د مړو شویو شمېر ۲۶۶۳ کسانو ته رسېدلی دی.
نن د چین د روغتیا ملي ادارې په دې هېواد کې پرون د نورو ۷۱ تنو د مړه کېدو او د دغه وایروس د ۵۰۸ نویو مثبتو پېښود ثبتېدو خبر ورکړ.
له چین وروسته جنوبي کوریا او ایټالیا د دغه وایروس له امله ډېر ځپل شوي.
په جنوبې کوریا کې پر کرونا وایروس د اخته شویو کسانو شمېر ۸۳۳ ته رسېدلی دی. ۷ تنه مړه شوي دي.
په ایټالیا کې پرون دوشنبه پر کرونا وایروس د اخته شویو کسانو شمېر ۲۲۰ او د مړو شویو شمېر هم ۷ تنو ته ورسېد.
په ایران کې په کرونا اخته کس چې قرنطین شوی دی.
افغانستان، عراق، بحرین، کوېټ او عمان کې هم د کرونا وایروس مثبتې پېښې ثبت شوي چې سرچینهیې ایران بلل شوی.
د افغانستان په هرات کې د کرونا یوه مثبته پېښه ثبت شوې چې سرچینهیې د ایران قم ښار بلل شوی دی.
له چین وروسته په ایران کې د کرونا وایروس له امله ډېر کسان مړه شوي دي.
ایراني چارواکو د ۱۲ کسانو مړینه تأیید کړې او ویلي یې دي چې ۶۱ تنه نور په دغه وایروس اخته شوي، خو ناتأیید شوې شمېرې له دې لوړې دي.
د روغتیا نړیوال سازمان مشر تدروس ادهانوم ګبریاسوس دا چې د کرونا وایروس ته د نړیوالې اپیډیمي یا وبا نوم ورکړي، د نوم ورکولو په اړه له احتیاطه کارو اخیست او ویېویل چې تر اوسه پورې وضعیت دې حد ته نهدی رسېدلی.
هغه په جنوا کې خبریالانو ته وویل په اوس وخت کې باید د کرونا وایروس د مخنيوي پر چارو تمرکز وکړو او په نړیواله کچهیې هم باید د احتمالي خپرېدو لپاره تیاری ولرو.
د روغتیا نړیوال سازمان ویلي چې کرونا وایروس چې په چین کې د جنوري له ۲۳مې د فبرورۍ تر دوهمې پورې اوج ته رسېدلی په وروستیو کې یې خپرېدل سست شوي دي.