د نوبل د سولې جایزې ګټونکې ملالې یوسفزۍ د نړۍ پر سترو اقتصادي قدرتونو غږ وکړ چې د نجونو د تعلیم د پراختیا لپاره زیاتې پېسې مصرف کړي.
د نړۍ د شلو پرمختللو هېوادونو مشران د مارچ په اته ویشتمه نېټه د جاپان په اوساکا ښار کې غونډه کوي.
ملاله یوسفزۍ په نړۍ کې نجونو ته د تعلیم د امکاناتو د زیاتېدو لپاره مبارزه کوي.
هغې پرون د جاپان له صدراعظم سره وکتل او غوښتنه یې ورڅخه وکړه چې د نجونو د تعلیم د پراختیا لپاره مرسته وکړي.
ملاله یوسفزۍ وایي:
"زه تمه لرم چې جاپان به د شلو پرمختلو هېوادونو د مشرانو د کوربه په توګه سږکال د نجونو د تعلیم لپاره زیاته مرسته وکړي."
افغانستان او پاکستان د نړۍ په هغو هېوادونو کې دي چې هرکال ډېرې نجونې د اقتصادي، ټولنیزو او امنیتي ستونزو له امله ښوونځي ته له تګه محرومېږي.