د امريکا د ولسمشرۍ انتخاباتو کانديدانو ډونالډ ټرمپ او هېلري کلېنټن د انتخاباتو په درشل کې د رأیې ورکوونکو د هڅونې لپاره څو کليدي ايالتونو ته سفرونه وکړل.
ټرمپ پرون د پنسلوانيا، نارت کارولينا او فلوريډا په ګډون هغو ايالتونو ته سفر وکړ چې د ډېرو رأيو د ګټلو تمه ورڅخه لري.
نظر پوښتنې ښيي چې په دغو ايالتونو کې انتخاباتي مبارزې ډېرې شديدې شوي دي.
په همدې حال کې هېلري کلېنټن د هغو رایې ورکوونکو پر هڅونې تمرکز وکړ چې معمولاً د ډموکراټ ګوند د کانديدانو ملاتړ کوي چې په هغو کې افريقايي امريکایان، په خټه لاتينان او ښځې شاملې دي.
د امريکا د جمهوري رياست انتخابات د سې شنبې په ورځ کېږي.