د امریکا د جمهوري غوښتونکي ګوند کاندید ډونالډ ټرمپ پرون شنبه په نیووادا ایالت کې د وینا پر مهال د امنیتي ساتونکو له لوري د غونډې له ځایه وایستل شو.
د راپورونو له مخې ټرمپ د دوو خفیه پولیسو لهخوا له سټېژه د څو دقیقو لپاره بهر ته بوتلل شو.
ده وروسته د امنیتي ساتونکو د خدمت ستاینه وکړه او ويېويل له خپلې انتخاباتي مبارزې به شا ته نهشي.
ده وویل:
"هېڅڅوک دا نهوايي چې دا کار به موږ ته اسانه وي، هېڅڅوک زموږ مخه نهشي نيولاى، هېڅکله هم نه"
د امریکا د خفیه پولیسو امنیتي اُرګان وروسته په یوه خبرپاڼه کې وویل چې د ډونالډ ټرمپ د ملاتړ کوونکو په منځ کې یو چا په غونډه کې د وسلې د موجودیت خبره وکړه خو له څېړنې وروسته ورته څرګنده شوه چې غونډې ته چا وسله نهوه راوړې.
امریکايي رسنۍ وايي چې په دې تور یو تن ونیول شو خو بېرته خوشې شو.
ټاکل شوې ده چې د راروانې سې شنبې په ورځ په امریکا کې د ولسمشرۍ انتخابات وشي.
