تورخم کې د لاریو ډرېوران افغانستان ته د تګ غوښتنه کوي
د پاکستانیو او پر افغانستان د واکمنو طالبانو د ځواکونو ترمینځ د اکتوبر پر ۱۱مه له نښتو راهیسې د دواړو هېوادونو ترمینځ د تورخم په ګډون ټولې لارې تړلې پرتې دي. پر تورخم يوازې له پاکستانه افغانستان ته ستنېدونکو افغان کډوالو ته د اوښتو اجازه ده. له خيبر درې څخه تر تورخمه پورې ګڼ مال لېږدوونکي ټرکونه ولاړ دي. ډرېوران وايي چې د لارې تړل کېدو يې ستونزې زیاتې کړې او غوښتنه کوي چې چارواکي دې ورته افغانستان د تګ اجازه ورکړي.