د پاکستان ادعا: تېره سه شنبه یوه افغان اسلام اباد کې ځانمرګی برید کړی
پاکستان وايي د هغې ډلې څلور غړي یې نیولي چې د اسلام آباد په وروستي برید کې یې لاس درلود. د پاکستان حکومت نن په یوه بیان کې وویل، د دې ډلې درې غړي او د هغو مشر په توقیف کې دي. په بیان کې بریدګر د ننګرهار ولایت اوسېدونکی عثمان عارف قاري بلل شوی او دا هم ویل شوي چې دې ډلې ته د حملې پرمهال له افغانستانه د هغو د مشرانو له لوري منظمه لارښوونه کېدله. په اسلام آباد کې د یوې محکمې د ودانۍمخې ته د سه شنبې ورځې برید چې پړه یې د تحریک طالبان پاکستان ډلې یوې څانګې ومنله، ۱۲ کسان ووژل او ۲۷ نور یې ټپیان کړل.