د لاسرسۍ وړ لېنکونه

تازه خبر
چهارشنبه ۱۸ چنګاښ ۱۴۰۴ کابل ۰۵:۴۲

ایران د نړیوالې اټومي انرژۍ ادارې سره همکاري ځنډوي


د ایران ولسمشر معسود پزشکیان
د ایران ولسمشر معسود پزشکیان

د ایران ولسمشر مسعود پزشکیان فرمان ورکړی چې هېواد يې د نړیوالې اټومي انرژۍ ادارې سره همکاري ودروي.

رویترز خبري اژانس د ایران د دولتي رسنیو په حواله نن چهارشنبه د پزشکیان د دغې پریکړې خبر ورکړی دی.

د ایران ولسمشر دا اقدام وروسته له هغې کوي چې امریکا تیره میاشت کې د ایران درې اټومي تاسیسات په فردو، نطنز او اصفهان کې په نښه کړل.

له وړاندې د ایران د اسلامي شورا مجلس د سرطان په څلورمه د تهران او تل ابیب ترمنځ له اوربند یوه ورځ وروسته، د ایران او د اټومي انرژۍ نړیوالې ادارې ترمنځ د همکاریو د خنډیدو طرحه تصویب کړه.

دغې شورا اعلان وکړ تر هغې چې د ایران د اټومي مرکزونو او ساینسپوهانو امنیت تضمین شوی نه وي، د یادې ادارې پلټونکي ایران ته داخلیدلی نشي

د اټومي انرژۍ نړیواله اداره مرکز يې د اتریش په پلازمینه ویانا کې دی، له ډېرې مودې راهیسې د ایران اټومي پروګرام څاري.
دې اداره تراوسه د ایران د ولسمشر د تازه فرمان په اړه څه غبرګون نه دی ښودلی

XS
SM
MD
LG