په کندهار کې د وچې مېوې د بستهبندۍ مرکزونه اوس مهال انځر هند ته د صادرولو لپاره بستهبندي کوي.
د یو بستهبندۍ مرکز مسؤل جمیل احمد وايي، چې سږکال د انځرو صادرات ښه وو، خو د ناروغیو له امله حاصلات لږ وو، چې همدا کمی د انځرو د بیې لوړوالي لامل شو.
جمیل احمد زیاتوي، " سږکال د انځرو صادرات ښه وو، خو حاصلات لږ وو، ځکه چې ناروغیو ځینې باغونه خراب کړي وو ".
سږکال حاصلات کم وو، خو صادرات ښه وو، نرخونه هم ښه وو. د نورو کلونو په پرتله یو څه زیات صادر شول، او د انځرو بازار ښه ود انځرو سوداګر
د کندهار او زابل د انځرو حاصلات سږکال د ناروغیو له امله کم شوي وو.
اوس مهال د کندهاري انځرو لویه برخه هند ته صادریږي، خو سوداګر وايي، که حاصلات ډېر شي یوازې هند ته صادرات بسنه نهکوي.
د عزیز الله او رحمت الله په نومونو د انځرو دوه سوداګر د طالبانو له حکومته غواړي، چې د نورو هېوادونو بازارونه هم ورته خلاص کړي، څو د حاصلاتو د زیاتوالي پر مهال د دوی د محصولاتو قیمت ونهلوېږي.
عزیزالله وايي، " سږکال حاصلات کم وو، خو صادرات ښه وو، نرخونه هم ښه وو. د نورو کلونو په پرتله یو څه زیات صادر شول، او د انځرو بازار ښه و ".
رحمت الله بیا وايي، " اوس زموږ انځر یواځې هند ته ځي. که نورو هېوادونو ته هم صادرات وشي، موږ به ډېر خوشحاله شو، ځکه چې مارکیټونه به مو پراخ شي ".
د انځرو اقتصادي ارزښت
د کندهار د سوداګرۍ او پانګونې خونې مسولین وايي، سږکال د انځرو حاصلات او بیې دواړه ښه وې.
د یادې خونې مرستیال انجینر عبدالباقي بینا وايي، په تېرو نهو میاشتو کې له کندهار څخه ۲۳ زره ۴۹۵ ټنه وچ انځر صادر شوي، چې ټول ارزښت یې شاوخوا ۱۳۱ میلیونه امریکايي ډالره دی.
موږ په تېرو نهو میاشتو کې ۲۳ زره ۴۹۵ ټنه یواځې وچ انځر صادر کړي، چې د هغو ارزښت ۱۳۰ میلیونه ۸۱۸ زره ۸۶۸ امریکايي ډالره دید کندهار د سوداګرۍ د خونې مسوول
انجینر عبدالباقي بینا زیاته کړه، " موږ په تېرو نهو میاشتو کې ۲۳ زره ۴۹۵ ټنه یواځې وچ انځر صادر کړي، چې د هغو ارزښت ۱۳۰ میلیونه ۸۱۸ زره ۸۶۸ امریکايي ډالره دی ".
د کندهار شاولیکوټ او د زابل میزانه ولسوالۍ هغه سیمې دي، چې په لوړه کچه انځر تولیدوي.
خو هر کال د وچکالۍ، ناروغیو او د لارو بندېدو له امله کروندګر او سوداګر سخت زیان ویني.
سوداګر د طالبانو له حکومته غوښتنه کوي، چې د نویو نړیوالو بازارونو د موندلو ترڅنګ، د صادراتو د اسانتیاوو لپاره لارې هم خلاصې کړي.
