د جرمني پولیسو د داود سیاووش په " مرموزه " مړینه کې د تاوتریخوالي نښې نه دي موندلي

د جرمني پولیس وایي د افغان خبریال داود سیاوش د مړینې په قضیه کې یې " د تاوتریخجن جرم" نښانې نه دي لیدلي. له دې سره سره جرمني چارواکو د پیښې د سپړلو په هدف د هغه پر جسد د عدلي طب د معایناتو امر کړی دی. داود سیاووش درې ورځې لادرکه و چې د چهارشنبې په ورځ یې د جرمني په فورث ښار کې مړی وموندل شو. د داود سیاووش زوی او د افغانستان د پارلمان پخواني غړي بکتاش سیاووش د پلار مړینه " په جدي ډول د پوښتنې وړ او مرموزه" بللې ده.