د قطر په لوسیل لوبغالي کې د ډسمبر میاشتې په ۱۸مه نېټه ارجنټاین د فوټبال په نړیوال جام کې فرانسې ته د پنالټي شوټونو په مرحله کې ۴ـ۲ ماتې ورکړه او ۳۶ کاله وروسته یې د درېیم ځل لپاره نړیواله اتلولي وګټله.
په دې سیاليو کې یو شمېر لوبغاړو ته ځینې مهمې جایزې ورکړل شوې.
په دې سیالیو کې د تر ټولو ځوان لوبغاړي جایزه د ارجنټاین اېنزو فرنانډيز ته ورکړل شوه هغه اوس مهال ۲۱ کاله عمر لري.
د غوره ګول ساتونکي جایزه هم د ارجنټاین لوبغاړي ایمالیانومیرنانډيز ته ورکړل شوه.
هغه په پایلوبه کې د پینالټي شوټونو پر مهال د فرانسې د یوه شوټ دفاع هم وکړه.
لېونل میسي بیا په ټورنمنټ کې د اغېزناک او غوره لوبغاړي جایزه وګټله او په دې سره یې دغه نړیوال جام د ۷ ګولونو په وهلو سره پای ته ورساوه.
د فوټبال نړیوال جام د سرو زرو بوټ بیا د فرانسې ۲۳ کلن ګیلیان ایمباپې وګاټه، هغه تر ټولو لوبغاړو مخکښ و او ۸ ګولونه یې وهلې و.
د یادولو ده چې په دې نړیوال جام کې د لومړي مقام ګټونکو لوبغاړو ته د سرو زرو، دویم مقام ګټونکو ته د سپینو زرو او درېیم مقام ګټونکو ته د برونزو مډالونه وویشل شول.