د رسنیو د ملاتړ ګڼو بنسټونو د طالبانو له خوا په افغانستان کې پر اف ایم او اې ایم څپو د ازادۍ او امریکا غږ اشنا راډیو د خپرونو پر بندولو انتقادونه کړي دي.
د طالبانو سرپرست حکومت تېره پنجشنبه افغانستان کې د ازادۍ راډیو او د امریکا غږ راډیو، د اف ایم او اې ایم څپې بندې کړې چې دواړو راډیوګانو به ۲۴ ساعته پرې خپرونې کولې.
د امریکا د متحدو ایالتونو په ګډون ګڼو هېوادونو او سازمانونو د طالبانو دغه پرېکړه د بیان او رسنیو پر ازادۍ یو ګوزار بللی دی.
زموږ همکار د رسنیو د ملاتړ بنسټونو د فدراسیون د مشرتابه له غړي ضیا بومیا څخه د مرکې په پیل کې پوښتنه کړې: پر اف ایم او اې یم څپو د ازادۍ راډیو او امریکا غږ اشنا راډیو د خپرونو بندول څه پیغام رسوي؟
د دې مرکې د اورېدو لپاره لاندې لېنک کېکاږئ:
