د فوټبال په نړیوال جام کې تېره شپه درې لوبې وشوې.
ایران شپږ پر دوه له انګلستان ماته وخوړه، هالند دوه پر صفر سینیګال مات کړ او په درېیمه او وروستۍ لوبه کې هم امریکا او وېلز سره مخ شول چې لوبه یو یو مساوي پای ته ورسېده.
نن به څلور لوبې ترسره شي.
لومړۍ کې ارجنتاین له سعودي عربستان سره مخ دی، دویمه د ډنمارک او تونس ترمنځ ده، درېیمه مکسیکو او پولنډ ترسره کوي او څلورمه فرانسه او اسټرالیا لوبوي.
د فوټبال نړیوال جام د نړۍ د ۳۲ ټیمونو تر منځ د قطر په کوربه توب له یکشنبې راهیسې پیل شوی.