د اوکراین ختیځ د روس او اوکرایني ځواکونو د سختې جګړې شاهد دی. تازه اوکرایني چارواکو ویلي چې په دونتسک او لوهانسک کې یې د روسیې پراخې حملې په شا تمبولي.
روسیې د اوکراین د انرژۍ پر تأسیساتو هم حملې کړي او د ولسمشر ولودیمیر زلنسکي په وینا د اوکراین ۱۰ ملیونه وګړي د برېښنا له پرې شوي جریان سره مخ دي.
په ورته وخت کې، تېره اوونۍ خرسون ته د اوکرایني ځواکونو بېرته ورتګ او د دغه ښار نیول چې روسانو لاندې کړی و، د اوکراین لپاره ستره بریا بلل کېږي.
د ازادي راډیو خبریال په دغه راپور کې، په خرسون کې یوه ورځ ژوند انځور کړی دی.
