د اسیا د مرکز د فوټبال د سیالیو په لړ کې تمه کېږي، چې د افغانستان تر ۱۴ کلونو کم عمره لوبډله نن د ترکمنستان په وړاندې لوبه وکړي.
د افغانستان د فوټبال فډراسیون په خپل رسمي فېسبوک کې لیکلي، چې دغه مسابقه د کابل پر وخت د مازیګر درې نیمې بجې پیلېږي.
تر دې مخکې د افغانستان تر ۱۴ کلونو کم عمره لوبډله په خپله لومړۍ مسابقه کې توانېدلې وه په یوه ګول سره ایران ته تېره جمعه ماتې ورکړي.
د افغانستان، تاجکستان، ایران، ازبکستان او ترکمنستان په ګډون د اسیا د مرکز د فوټبال مسابقې د تېرې اوونۍ په وروستیو کې د تاجکستان په پلازمېنه دوشنبې کې پیل شوې چې د لړم/ عقرب پر ۳۰مه پای ته رسېږي.