د کرکټ د شل اوره نړیوال جام سیالیو په ترڅ کې نن درې لوبې ترسره کېږي.
هند له زیمبابوې، پاکستان له بنګله دېش او جنوبي افریقا له هالنډ سره لوبې ترسره کوي.
هند چې د شپږو امتیازو په لرلو سره د دویم ګروپ په سر کې دی، که له زیمبابوې نننۍ لوبه وګټي نو نیغ په نیغه نیمه پایلوبې ته وځي.
جنوبي افریقا هم د نننۍ لوبې په ګټلو سره نیمه پایلوبې ته د وتلو ورته چانس لري.
د دې لپاره چې پاکستان نیمه پایلوبې ته لار پیدا کړي، له بنګله دېش سره د نننۍ لوبې په ګټلو سربېره باید دې ته منتظر شي چې هند یا جنوبي افریقا لوبې وبایلي.
افغانستان په دې جام کې خپله وروستۍ لوبه د تېرې جعې په ورځ کوربه استرالیا ته وبایلله او له دې جام سره یې مخه ښه وکړه.
د افغانستان په ګروپ کې انګلنډ او نیوزیلنډ نیمه پایلوبې ته وتلي دي.