د افغانستان کرکټ بورډ خبر ورکړی، چې د کرکټ ملي لوبډله د استرالیا برېسبېن ښار ته ورسېده چې خپلې بلې مسابقې ته ځان چمتو کړي.
د افغانستان راروانه مسابقه د سې شنبې په ورځ د سریلانکا په وړاندې ده.
د کرکټ د شلو اوورونو د نړیوال جام سیالیو په لړ کې نن درې مسابقې پلان شوې دي.
په لومړۍ مسابقه کې بنګله دېش وتوانېد زیمبابوې ته په ۳ ویکټو ماتې ورکړي.
په بله مسابقه کې پاکستان له هالنډ لوبه وګټله.
درېیمه د هند او جنوبي افریقا ترمنځ روانه ده، هند د لوبې ټاس وګاټه او د بټنګ کولو پرېکړه یې وکړه.
د نړیوال جام لوبې د اکټوبر میاشتې پر ۱۶مه پیل شوې چې پایلوبه یې د نوامبر پر ۱۳مه ده.