د کرېکټ د شل اوره نړیوال جام لوبو په ترڅ کې نن افغانستان له ایرلنډ سره لوبه کوي.
دغه لوبه د افغانستان په وخت د سهار په اته نیمو بجو په میلبورن ښار کې پیلیږي.
ایرلنډ خپله لومړۍ لوبه له انګلستان څخه ګټلې خو افغانستان بیا پرې بایللې.
د افغانستان د ټیم مرستیال روزونکی رئیس احمدزی وايي، د نننۍ لوبې ګټل ورته ځکه مهم دي چې تر ډېره د مخته تګ چانس ورته برابريږي.
د استرالیا د اشل اوره نړیوال جام سیالو کې پرون پاکستان زیمبابوې ته لوبه بایلوده.
زیمبابوې پاکستان ته د ۱۳۱ منډو هدف ټاکلی و چې پاکستان د اتو لوبغاړو په سوځېدو سره وتوانېد ۱۲۹ منډې وکړي.
پرون بله لوبه د جنوبي افریقا او بنګلهدېش ترمنځ وه چې جنوبي افریقا وګټله او هند هم هالند ته ماتې ورکړه.