افغانستان ته د پاکستان د دیني عالمانو د ډلې سفر، په ټولنیزو شبکو کې پراخ عکس العملونه پارولي دي.
د پاکستان د هیئت مشري، د دوی پېژندل شوی دیني مشر، مفتي تقي عثماني کوي، چې ظاهرا یې افغانستان ته له پاکستاني طالبانو سره د مذاکرو لپاره دا سفر کړی دی.
باختر اژانس چې د طالبانو په کنټرول کې دی وايي، دغه هیئت د دوشنبې په ورځ د پاکستاني طالبانو له مشرانو سره د خبرو لپاره کابل ته تللی دی، خو په دې اړه نور توضیحات نه دي ورکړل شوي.
تر دې مخکې هم د پاکستان بل هیئت پر عین موضوع د بحث لپاره افغانستان ته سفر کړی و.
زموږ همکار په کاناډا کې د سیاسي مسایلو له شنونکي محمد ظاهر اکبري څخه د مرکې په پیل کې پوښتنه کړې، چې د پاکستان د دې هیئت د سفر اصلي هدف څه کېدای شي؟
