د حشمت الله شهیدي په مشرۍ بُست ساتونکي لوبډلې یکشنبه د شپږیزې بل مخکښ ټیم سپين غر ته چې ماته یې نه وه خوړلې په لسو منډو ماتې ورکړه.
بست ۱۴۶ منډې کړې وې خو سپين غر ۱۳۶ جوړې کړې.
د پرون بله لوبه بندامیر د هندوکش په وړاندې په اوه وېکټو وګټله.
تمه ده د شپږیزې په دوام کې کابل بازان او امو نهنګان مخ شي او بله لوبه مس عینک او پامیر زلمي تر منځ پلان شوې.
شپږیزه د افغانستان د کرېکټ شل اوریزې تجارتي سیالۍ دي چې د افغانستان ملي لوبغاړي او ځینې بهرني کرېکټران هم پهکې حضور لري.