د افغانستان د فوټبال فدراسیون وايي، په پلازمېنه کابل کې د فوټبال له ۱۶ کلونو د کم عمره افغان ځوانانو تمریناتي کمپ بیا پیل شوی.
دې کمپ ته د کوچني اختر له امله وقفه ورکړل شوې وه.
د دې تمریناتي کمپ، موخه د مرکزي اسیا د فوټبال د شپاړلس کلونو کم عمره ځوانانو د سیالیو لپاره چمتوالی ښودل شوی دی.
دغه سیالۍ د روانې مې میاشتې په لسمه د تاجیکستان په دوشنبې ښار کې پیلېږي چې د همدې میاشتې تر شلمې دوام کوي.
په دې لوبو کې د افغانستان ترڅنګ کوربه تاجکستان، ازبېکستان او ایران لوبډلې برخه اخلي.
د افغانستان د فوټبال فدراسیون وار له مخه په دې سیالیو کې د افغان لوبډلې د ښو سیالیو د کولو هیله ښودلې ده.