د ٢٠٢٢کال د لامبو وهنې نړیوالې سیالۍ یو ځل بیا وځنډول شوې.
ټاکل شوې وه د لامبو وهنې نړیوالې سیالۍ د روان د ۲۰۲۲کال په مې میاشت کې د جاپان په فوکویوکا ښار کې ترسره شي، خو د المپیک نړیوالې کمیټۍ اعلان کړی چې د کرونا ویروس له امله د رامنځته شویو محدودیتونو په پار دغه سیالۍ راتلونکي میلادي کال ته ځنډوي.
د المپیک نړیوالې کمیټی دغه پریکړه د جاپان د ورزشي ادارو د مسؤلینو په لارښونه کړې.
ټاکل شوې چې د لامبو وهنې نړیوالې سیالۍ د ۲۰۲۳کال د جولای په میاشت کې د جاپان په فوکویوکا ښار کې ترسره شي.
د لامبو وهنې نړیوالیو سیالیو اصلي نېټه ۲۰۲۱ کال و خو هغه مهال هم د کرونا ویروس د ډېر خپریدو ویرې ۲۰۲۲ میلادي کال ته ځنډول شوې وې.